#07 Different Types of Commands?

Command Types

• ကျွန်တော်တို့ shell က execute ပြုလုပ်ပေးနိုင်တဲ့ command အမျိုးအစားတွေကို လေ့လာကြည့်ရအောင်။

• Shell ကနေ execute ပြုလုပ် ပေးနိုင်တဲ့ command အမျိုးအစား (3) မျိုးရှိပါတယ်။
  • alias command
  • internal command
  • external command ဆိုပြီး ဖြစ်ပါတယ်။
• shell သည် terminal ကနေ user ရိုက် သမျှ command တွေကို ရှိမရှိ၊ မှန်/မမှန်၊ alia command အမျိုးအစား ဟုတ်မဟုတ် ကို အရင်စစ်ဆေး ပါတယ်။ ပြီးမှ internal command လား၊ external command အမျိုးအစားလား ဆိုပြီး အဆင့်ဆင့် စစ်ဆေးပြီး execute ပြုလုပ်ပေးတာ ဖြစ်ပါတယ်။

Internal Command

• internal command တွေသည် shell program မှာ တစ်ခါတည်း compiled ပြုလုပ်ထားပြီးသား command အမျိုးအစားတွေ ဖြစ်ပါတယ်။
• User သည် terminal ကို စဖွင့် ပြီဆို ကတည်းက user ရဲ့ default shell သည် internal command တွေကို ram ပေါ်မှာ တစ်ခါတည်း load လုပ် တာ ဖြစ်ပါတယ်။

• ဒါကြောင့် shell သည် internal command တွေကို ရှာပြီး execute ပြုလုပ်တာ သည် တစ်ခြား command အမျိုးအစားတွေ execute ပြုလုပ်တာ ထက် ပိုမို မြန်ဆန်ပါတယ်။

• type command ကို အသုံးပြုပြီး command အမျိုးအစားတွေကို စစ်ကြည့်နိုင်ပါတယ်။

• cd, pwd, echo, exit စတဲ့ commands တွေသည် internal command ( shell built-in ) အမျိုးအစား ဖြစ်ပါတယ်။

External Command

• external command တွေကတော့ compiled ပြုလုပ်ထားပြီးသား executable binary file တွေအနေနဲ့ linux os ကို installed ပြုလုပ်ကတည်းက တစ်ခါတည်း ပါဝင်လာတာ ဖြစ်ပါတယ်။
• external commandတွေကို များသောအားဖြင့် /usr/sbin/, /usr/bin/ စတဲ့ file system path လမ်းကြောင်းတွေ မှာ တွေ့နိုင်ပါတယ်။
• external commandတွေကို execute ပြုလုပ်တဲ့အခါမှာ shell သည် file system paths တွေ မှာ ရှာဖွေ ပြီး new process တစ်ခုအနေနဲ့ execute ပြုလုပ်ပေးရတာ ဖြစ်တဲ့အတွက်ကြောင့် shell buit-in command တွေထက် execute ပြုလုပ်ရမှာ အနည်းငယ် နှေးပါတယ်။
• အလုပ် လုပ်ပုံ theory သဘောတရားကိုသာ ပြောပြရခြင်း ဖြစ်ပါတယ်။ တစ်ကယ်အသုံးပြုတဲ့အခါမှာတော့ အရမ်းကြီး သိသာနေတာ မျိုးတော့ မဟုတ်ပါဘူး။
• echo ${PATH} command ကိုအသုံးပြုပြီး shell ကနေ external command တွေကို ရှာဖွေ execute ပြုလုပ်ပေးတဲ့ directory path တွေကို တွေ့နိုင်ပါတယ်။

• Directory path တစ်ခုနဲ့ တစ်ခု ကြား မှာ colon (:) လေး ခြား ပြီး ပြ ထား တာ ကို တွေ့ရမှာပါ။ ထို သတ်မှတ်ထားတဲ့ directory တွေထဲက executable command တွေကို terminal က external command အနေနဲ့ run ပေးမှာ ဖြစ်ပါတယ်။
• command တစ်ခုကို external command လား internal command လား၊ alias command အမျိုးအစားလား ဆိုတာ သိ ချင်တဲ့အခါ type command , which command တို့ကို အသုံးပြုပြီး စစ်ကြည့်နိုင်ပါတယ်။
• type command က တော့ command type အကုန် စစ် ပေး နိုင်တယ်။ which command ကတော့ file system ပေါ်မှာ ရှိတဲ့ command တွေရဲ့ binary file location ဘဲ ရှာပေးတာ ဖြစ်တဲ့အတွက်ကြောင့် alias command အမျိုးစားတွေကို စစ်ကြည့်လို့ရမှာ မဟုတ်ပါဘူး။

• ကျွန်တော် တို့ daily အသုံးပြုနေတဲ့ mkdir cp date rm စတဲ့ command တွေသည် /usr/bin/ directory location မှာ ထား တာ ဖြစ်တဲ့ အတွက် ကြောင့် external command အမျိုးအစားထဲမှာ ပါဝင်တယ်။

Alias Command

alias command ဆိုတာ command တစ်ခုကို အသုံးပြုရ လွယ်ကူစေ အောင် shortcut command တစ်ခု အနေနဲ့ သတ်မှတ် တာ ဖြစ်တယ်။ ကိုယ့် linux os မှာ သတ်မှတ်ထားတဲ့alias command တွေကို သိလိုတဲ့ အခါ alias command ကို အသုံးပြုပြီး ကြည့် နိုင်ပါတယ်။

• ကျွန်တော်တို့ ကိုယ်တိုင် alias command ကို အသုံးပြုပြီး command shortcut တစ်ခုကို temporarily သတ်မှတ်ကြည့်ရအောင်။
• ကျွန်တော်တို့ terminal ကို clear ပြုလုပ်လိုတဲ့အခါ linux မှာ clear command ကို အသုံးပြုပါတယ်။ Window OS မှာ ဆိုရင်တော့ cls ကို အသုံးပြုပါတယ်။
• alias cls='clear' command ကို အသုံးပြုပြီး သတ်မှတ်ကြည့်ပါမယ်။

• သတ်မှတ်ပြီးသွားရင် type command ကိုအသုံးပြုပြီး ကျွန်တော်တို့ create ပြုလုပ်လိုက်တဲ့ cls command ကို စစ်ကြည့်တဲ့အခါ alias command အနေနဲ့ ရှိနေတာကိုတွေ့ရပါလိမ့်မယ်။

Comparison of Internal, Built-in, and External Commands